穎廬 | Adada's Place

自從搬咗嚟有陽台的家後, 我就愛上咗種植物。無論是花丶肉肉丶蔬菜等都有興趣。今期就介紹一吓其中兩棵由淘寶買苗回來的植物喇! 無花果: 上年秋天, 朋友發現了淘寶有無花果插枝賣, 但因郵費問題, 要買的量比較多, 問我有冇興趣種, 我當然一囗就說: 好的! 貨到了就只有枝, 沒有葉和根, 真不知道會不會成功種到。把枝插進泥之後, 大概一星期沐兩次水, 很快便長出葉來。不過, 冬天很快就接著來, 葉也變黃及落掉, 心也打定輸數, 可能會凍死種不成, 不過都保持著兩星期沐一次水。到了今年春天不久, 竟然見到有新芽, 而且很快出葉來, 也大得很快! 滿心歡喜, 依家保持著一星期沐兩次水, 其待著出果。 繡球花: 自從知道淘寶有植物苖賣，我就經常上去看看。今年春天見到有繡球花苖, 我立刻淘回來試試。今次的有葉又有根有, 生機勃勃的! 一收到貨, 立即種入泥...知道繡球花很渴水, 於是立刻沐灌濕整盆泥。但不知為何, 種咗落泥後D葉就開始謝...以為是不夠水, 於是把根部直接插入水一晚, 但依然謝謝的。於是問吓賣家又上網找資料, 發現: 要在葉面灑水， 㡳盆不可有渣水, D根會透吾到氣啊! 改善了後, 現在生猛哂, 不過要注意繡球花真的十分吸水, 現正夏天要每天早晚沐水。很其待著出花呢! Cheers, Ada

大概一個月前, Bebe切咗個乳腺瘤, 當時醫生都提醒, 切完後有可能會嚴重得更快, 但我對Bebe有信心, 知道佢一定會加油努力。同時, 醫生都推介了布緯食療, 於是我就上網看看有關資料。大家有興趣可到以下網址看一下: http://www.weherbhk.com/budwigfaq.html 做完手術, 因為要休養, 而我也在尋求布緯的食材, 所以遲遲未開始布緯食療。 兩星期前, 終於集齊食材, 開始布緯食療: 兩湯匙芧屋芝士  一湯匙亞麻籽油  半湯匙亞麻籽  食咗幾日, 未見大既轉變。 今個星期初情況急劇轉壞, 經常抽筋, 意識迷糊, 吾食狗糧又吾飲水, 雙腳冇力, 企吾到行吾到, 失禁。這一切都來得好突然, 令我十分擔心, 也作了最壞打算。 到了星期中, 我決定加大布緯份量, 作最後的努力: 四湯匙芧屋芝士  兩湯匙亞麻籽油  一湯匙亞麻籽  今早清晨, 見到Bebe開始企到行到，仲主動食返狗糧飲返水，雖然仲有小小腳步浮浮，但已經進步咗好多! 我吾肯定係吾係布緯發揮作用, 但呢幾日Bebe就只肯食布緯, 而佢又真的有好轉, 相信當中有一定的幫助。 我知道Bebe也正在努力中, 想陪我多一陣。我地一齊加油吖! Cheers, Ada