穎廬 | Adada's Place

美容燈已經唔係一件新鮮事，好多靚靚可能都已經入咗手，又或者考慮入手。但係對於美容燈究竟有冇真正成效，大家都可能仲有疑問。 近排喺網上就睇到一篇 文章 ，係National Geographic嘅，關於美容燈既成效。內容大概講到，其實LED燈係對美容係有一定嘅功效，但係要睇下佢嘅輸出能量。例如紅燈就需要100+ milliwatts，而藍燈就只需要40+。 今次要推介嘅呢款四合一美容燈既品牌係Amiro。呢個牌子嘅美容鏡可能大家都會聽講過，但係其實佢出咗好幾款嘅美容儀，效果都非常之唔錯。 AMIRO  LumoMax High-Energy Light Therapy Device $2700 佢輸出嘅能量達到170+，絕對足夠達到美白、膠原增生去皺、去斑、去痘，四合一嘅功能！ 宜家係Carousell 呢度 仲有個超抵offer放出嚟，有興趣嘅靚靚，不容錯過！ Cheers, Ada

今次要介紹嘅呢一款係「逆齡面膜」， 同樣地佢都係日本無印限定，香港暫時未有得賣。 エイジングケア薬用リンクルケアクリームマスク Japan MUJI online shoIp JPY 1,990 佢個質地係厚cream形態，所以建議除非你真係皮膚好乾，或者冬天最凍嗰一兩日，否則其實係唔需要太厚咁樣敷嘅。 喺度提供一個最佳建議嘅使用方法：朝早一起身，唔需要洗面住，即刻就薄薄咁樣敷喺面額兩邊，額頭，鼻尖同埋下巴。然之後先至去刷牙。大概五分鐘到，用清水洗咗佢。然之後繼續你嘅日常早上嘅護膚程序同上妝。你會發覺呢五分鐘會令到你面部滑捋捋，上妝更加貼，冇咁容易浮粉。 另外一個用法就係當佢sleeping mask咁用。晚上做完所有護膚程序之後，薄薄咁樣喺額頭、兩邊面頰、同埋下巴 上一浸，薄薄地唔需要太厚，敷過夜。朝早用清水洗就ok喇！ Cheers, Ada

今次推介嘅呢款香港係冇得賣嘅。只可以喺日本無印買到。如果大家睇完有興趣嘅，可以嘗試搵代購喺日本無印online shop幫你訂。 呢支booster serum 好處就多喇，首先佢唔會太潤或者杰撻撻黐立立咁。但係好似處就勁喇：搽咗佢先至搽其他護膚品或者上妝都會更加吸收同埋貼妝。最有效嘅方法係，首先搽咗佢再用toner噴濕塊面，即時係會感到水潤！ JPY1990 (50ml):  muji Japan online shop 如果大家嫌麻煩唔想代購嘅，香港無印良品都有一支 booster essence lotion (200ml) ，效果相似不過就再稀啲水啲。可以試咗效果，先至再考慮會唔會代購日本嘅特別加強版。 Cheers, Ada

有做gel甲嘅靚靚都知道，長期下來，指甲會變軟、變黄、離甲、甚至乎爛甲😣所以一路以嚟，除咗唔同嘅顏色gel甲之外，都尋覓緊一款好用嘅養甲精華。經過無數嘗試之後，終於畀我搵到！ 呢款樣甲精華，係好似透明指甲油咁嘅。資料顯示，建議做3個療程，每個療程3-4日。但係經過我測試，只要大概3日，1次嘅療程之下，指甲已經大有改善。 用法： 先卸下gel甲，修甲之後，塗上呢個精華一層，待5-10分鐘乾透。最少保持3日，最長1個星期，之後用洗甲水清除。1個療程已經見到指甲平滑堅硬返。如果未完全好返曬，可以重複呢個程序3-4次，靚靚指甲就會返晒嚟。 DAN DAN X GENTAL PINK 硬甲營養液套裝 - $198:  amor online shop  及門市有售 入手價唔貴，仲要有套裝價包埋洗甲水。快啲買定一樽喺屋企看門口吖！ Cheers, Ada

多年嚟都特別注意保養眼肌，因為眼睛最容易暴露年齡秘密。咁多年嘅心得結論係：貴嘅眼部護膚品唔一定係最好。 今次推介呢款Eye Tight Laser Serum，中價位，適合作為眼部肌膚打底。 DR KENDRICK之前都介紹過，佢係open counter護膚品嘅一個驚喜。 呢一款serum滋潤功效不大，但係用咗兩個禮拜之後，會發現眼圈減淡咗同埋眼部肌膚緊緻咗，有去紋作用。所以建議用佢做打底之後要搽埋eye cream去做補濕，下次會再推介一set有效嘅日夜eye cream。 入手地點：各大有derma skincare open counter既萬寧 $428，仲可以儲yuu分 佢係透明gel 質地，用大概兩至四滴就可以夠兩隻眼周。一啲都唔笠，上下眼簾同埋魚尾紋位都可以搽。尤其是夜晚搽咗，第二朝瞓醒你會發現黑眼圈消失咗，好神奇！日頭搽完佢先上裝，你仲會發覺眼周肌膚細緻咗添！ 有興趣嘅即刻去萬寧入手，而家買Derma Skincare仲有$50 cash coupon可以即時減價。用完可以返嚟呢度留言，推介畀其他靚靚！ Cheers, Ada

香港天氣潮濕，好多時就算夜晚冇飲好多水，第朝起身面部都會有水腫嘅情況。今次介紹呢款產品，就幫到你啦😀 Clarins - V Shaping Facial Lift: V Face Contouring Serum $1060 話曬佢都係Clarins嘅產品，入手價就唔會太平。但係每次只係用少少，所以都襟用嘅。 用嘅方法好簡單：如果朝頭早發現有水腫，洗完面爽膚水之後，搽薄薄一陣喺面。然之後跟住說明書入面嘅手法去按壓，大概1-2分鐘，立刻發現佢去水腫嘅能力極強。按壓完之後唔需要清洗，跟返正常護膚嘅程序就可以啦，個人覺得之後上護膚品比平常更吸收。 不過提一提，佢係去水腫並唔係瘦面㗎🤗 Cheers, Ada

對於面部護膚我係十分有要求嘅，因為自己細個嗰時暗瘡皮膚，冇$$去好好護理，所以大個咗，就鐵定要買啲適合自己皮膚嘅護膚 品，係老去之前好好保養！ 今次推介既係我係Mannings既開心大發現。價位唔算太低，但如果你皮膚乾，須要支滋潤得嚟唔笠嘅serum，呢支係的而且確非常啱用。 入手地點：各大有derma skincare open counter既Mannings $383，仲可以儲yuu分 DR KENDRICK係一個美國既醫美品牌，佢其他產品既門檻都算ok，之後我都有興趣試下佢支eye serum，到時再同大家分享。講返呢支Lipid Prescription Deep Moisturizer (30ml)先，佢嘅質地好似稀少少嘅B5咁，爽膚水後用大概5-6滴搽係面部。開頭你會覺得好似有少少笠，但其實一推開就好快吸收， 差唔多幾秒之間你就即時感受到面部皮膚柔軟咗，因為滋潤咗。搽完佢補番少少cream已經足夠，就算係冬天乾燥天氣都ok。同埋我發現用咗佢之後，日頭上妝都會貼服啲。 如果大家有其他好用護膚品，歡迎喺度開心share！ Cheers, Ada

天氣轉冷變得乾燥，係時候推介冬季護膚品。我自己皮膚有少少敏感，用咗呢支serum後，明顯無咗泛紅。佢有淡淡既玫瑰花香，非常清新！ Rose with Bakuchiol Facial Serum 30 ml - $147 呢支serum質地比較清爽，唔會得個立字，但又足夠補濕。一般我會係toner之後用佢，5滴輕拍上面，之後再搽cream。入手價唔貴，試過你會返唔到轉頭。成份可去以上網址查詢及選購。宜家仲有Christmas promotion，一於買支俾自己做聖誕禮物，好好愛惜自己皮膚。 Cheers, Ada

話說我家主人對手有濕疹，咁多年嚟試過好多嘢佢都唔覺得好幫到手。今次抱住再試下喇嘅心態去用呢一罌balm，有驚喜喎！ Plant Therapy - Silky Soft Healing Balm@ SOFE Aromatherapy : $129 關於用法及成份你哋可以去呢個 網址 度睇下，我想講嘅係用家用後感。佢係好似油咁，所以係非常之滋潤，建議夜晚瞓覺之前搽。用咗幾次之後，會開始發覺濕疹嘅皮膚冇咁乾，冇咁咁容易龜裂。 如果你好似我家主子咁係手部有濕疹嘅話呢，夜晚搽完之後，可以帶一對棉質手套，好好保養。 佢嘅門檻非常低， 113g仲好襟用，有濕疹既入定一罌看門口會有意想不到嘅收穫！ 如果你有一啲有效嘅舒緩濕疹方法，歡迎留言happy share😀 Cheers, Ada P.S. 後記：話說早兩日我小腿有一撻皮膚又乾又痕又拗損咗仲甩皮，冇辦法之際就試下用呢個balm，搽咗兩次第二晚已經好番8成，冇再痕同埋皮膚開始變番平滑，好有驚喜！仲要係KidSafe，小朋友都啱用😊

First Step - Repair Nail Solution by Gental Pink @ amor $248 我係gel甲精，仲要係DIY，年中投資唔少係各式其式用品、產品及配件。今次呢款保養品超級好用，而且門檻低，真心推介！ 成日gel甲嘅朋友都可能會一個問題，就係會爛甲，包括：指甲好軟薄，離甲，及黃甲。最簡單嘅解決方法就係停止gel甲，俾指甲休息，之但係gel開夾嘅就會好唔慣，指甲冇上色，好似光脫脫，冇著衫咁。另一個方法就係用保養品，但係都要冇gel甲嘅情況之下先至可以用到。今次介紹呢支First Step就完全解決到呢個問題！ 首先佢真係有效，如果你能夠停止唔gel甲，只需要三四日時間，每日一至兩次搽上呢款保護品，啲指甲就會有返光澤，離甲好返，同埋指甲強韌番。若然真係唔想停止gel甲，其實呢款保養品係可以喺gel甲之前搽，因為佢唔係油性，係水劑，吸收咗之後就可以繼續gel甲。咁樣做嘅話，係gel甲之前其實已經上咗一層保護膜，keep住保養你嘅指甲。而為咗加強修護，建議每日喺指緣邊及甲底補搽First Step，大概兩星期係gel住甲既情況下都可以養返好啲甲。 暫時只知道係香港amor有呢款產品買。仲有，amor有好多gel甲凝膠及相關產品，絕對係gel甲愛好者嘅天堂！ 希望幫到鍾意gel甲嘅你啦！ Cheers, Ada

今次要推介既唔係makeup，似skincare多啲。 Pitanium Pi-Recovery Base 表皮匠 - 官網 $780 (40ml) 佢基本上係可當base或裸妝用，並含有skincare成份，所以稱之為 makeup care。佢有3大優點： 由於佢唔係化妝品，所以係唔需要落妝嘅，晚上只需要用普通潔面乳清潔皮膚就可以啦！ 佢含有積雪草修護成份，做完醫美療程之後，搽佢可以修復皮膚。 有追蹤膚色功能，顏色適合亞洲人皮膚。 用法小小特別，如下： 先唧一毫子分量落手背， 用指尖輕輕推開，用手背熱力blend開至半透明，然後搽上面， 如果想遮瑕，可以轉用上妝綿推勻， 佢有SPF40 PA++防曬度，平時返工可無需再搽防曬。 入手價遍高，但由於每次只用少量，一支平均可用到半年。官網一般每個月都有優惠，又或者可以去旺角／尖沙咀實體店試吓上手先決定入貨😄 Cheers, Ada

今日講吓眼影，口罩下絕對係可以重點提升整個outlook既。 近幾年都興啲棕色系nude啲既顏色。今次推介既KATE眼影盒係必入手既超高CP值好物！而當中佢既「棕影×彩色陰影」眼影盒更係百搭超好襯。 佢色系夠潮，但極其自然，亦能深邃立體，而且仲有3個優點：顯色、不脱妝、易落妝。佢官網仲提供 詳細既眼影畫法教學 。 佢粉質細膩，好暈染，而且抵買，最啱買定多幾款看門口，可以單用、疊擦或搭配其他眼影盤。 各大藥妝店KATE專櫃有售 - $97/palette Cheers, Ada

身邊總會有一兩個朋友入咗局做傳銷，又或者自己都中招做過。做咗marketing咁多年，都曾經研究過呢類型既marketing，不如我哋就立體啲分析吓network marketing呢個行業。 遠係online marketing出現之前，我哋除咗通過傳統宣傳渠道收到新產品資料，另外都會十分依賴從相熟親友介紹試過既產品。所以，network marketing就係半世紀前興起。當時啲人一窩蜂入會，而基於當年人與人之間既關係都係靠見面，信賴度比較高，人傳人既方法係有效既。亦由於network marketing多數採用MLM，所以唔排除早年入行既到今時今日已經上岸，行行出狀元。而事實上也有唔少用傳銷而成功既公司，如Amway、Mary Kay、Avon、Nuskin等。 時之今日，有eCom、social media、digital marketing等令資訊氾濫既年代，network marketing仲有冇得做呢？其實就有利有不利。對於傳銷公司而言，而家一個eshop＋social account已經可以做到宣傳兼收單，依靠下線去銷售嘅需求係大大減少咗嘅。而且，多數人已經對傳銷存戒心，可能因為之前有太多負面個案，所以下線依家都好難做。之但係都總有人會仲入會嘅，咁佢哋都可以好好運用而家嘅數碼渠道去建立自己嘅network，條路比幾十年前難行，勤力啲都有機會突圍而出既，玩票式當part-time賺外快還可以。 之但係，依家資料發達，要做啲生意仔都唔難起步，如果有心提供一啲產品或服務去幫人都有好多可能性，不防多方了解吓，無需急於俾大機構制肘。此外，為咗做network marketing而於本來純友誼互相信任既關係中變得有目的亦唔值得。最後，傳銷只是marketing手段既一種，一路買佢既products，一路人肉幫佢宣傳，收返嚟既回報其實仲低過最低工資，計落條數真係有啲蝕，雙輸！ Cheers, Ada

要展現blink blink嘅眼睛，除咗化妝，就一定要打好個底，事關眼周肌膚特別脆弱，要好好保養佢。多年來一直都試啲唔同品牌嘅眼霜、精華俾對眼，但係都冇一啲係好有效嘅，直至近期遇到以下呢款。 Dermacept Vitnamin C5 Serum ( 官網 - $315) 單睇價錢，同埋佢只係喺萬寧、Logon嘅open counter出售係估唔到佢功效咁好嘅。先睇吓official成份同功效：打正旗號"by Zein Obagi, M.D."醫美權威主理，已經係信心既保證。佢有5% 純維他命C精華，全效針對黑眼圈、眼紋、鬆弛眼肌等複合性眼圈問題。仲可以促進血液循環，改善眼部皮膚黑色素沉澱、黑眼圈問題；再加上升級抗氧化效能促進膠原蛋白合成，提升眼周肌膚彈性及預防鬆弛。 好啦，咁又分享下我用後感。佢係serum，所以搽完爽膚水之後就可以滴4滴左右搽喺眼底。 佢唔笠，吸收得好快，夏天用都ok。我用咗大概兩個星期到，就開始見到眼周嘅肌膚係緊緻咗，同埋黑眼圈係淡咗嘅。我而家已經回購咗兩支 ，察覺到眼周嘅皮膚係強韌咗，冇咁薄弱。不過佢始終唔係眼霜，所以我建議係用佢之後，都係搽番一啲有保濕作用嘅眼霜，加強滋潤。 入手價唔太貴，有興趣嘅靚靚，不妨試下！ 歡迎留言開心share你哋嘅心水護眼肌品！ Cheers, Ada

近年越來越覺得上網買嘢選擇比實體店多，就算是本地商店都有咁既趨勢。試過想買小家電或者beauty device，上網research後，諗住去各大實體電器店可以睇吓件產品，實在啲先決定即時買現貨，點知反而實體店冇咁多選擇，結果都係網購。 上網買野有另外一個好處，就係Google大神會畀海量嘅資料你。之但係，可能好多靚靚對於上網買衫買鞋買飾物會有啲猶疑，因為未＂埋鏡拼過＂ 試過都係好唔實在，經常都會中伏。所以，今次集合咗平時上網嘢扮靚嘅網站，一次過推介俾大家。 111 korean fashion 佢啲衫全部都來自韓國，每個星期都會有幾次FB live有特價，平均嚟講價錢都算經濟，款式就偏向穩陣。實體店喺太子聯合廣場， 但一般嚟講平時睇live買都好方便，落單後可選擇寄到付或去門市取貨。現場仲有本地手作耳環March cat寄賣，想睇齊款亦可去佢 網店 選購。 StarLazy 佢啲衫都係來自韓國，實體店都係喺太子聯合廣場。一般都係喺FB睇新貨Inbox落單，size資料充足，落單後訂貨大約7至14日到貨。款式就比較多同埋潮，質料都靚嘅，價錢就會貴少少。 Pindot Fashion 佢啲衫都係來自韓國，冇實體店，除咗FB Inbox仲可去 網店 自己落單。有部分貨係現貨，其他都係要訂，7至14日到貨。款式唔太多，但特別同靚料，價位少少貴。 Macaron Korea Fashion 全部衫來自韓國，冇實體店，有個網店但係唔經常update，一般都係新衫睇FB，然後用FB Inbox落單。佢有個特色，就係勁多OPS同set。價錢經濟。 Leather Lab 香港設計師品牌手工皮鞋。實體店係尖沙咀K11，亦可去官網 Lison 自行選購。價格反映佢哋既鞋係手工製而且係真皮、仲要係當季最受歡迎既款式。之但係咁，一對襟襯嘅鞋絕對會令整個造型加分，值得放血揼本。 Index.25 呢間耳環戒指飾物IG Shop兩個字形容：潮、抵！大量入手用嚟襯衫都一啲唔心痛！ 今次介紹住咁多先，歡迎大家留言推介你哋既心水店，開心share！ Cheers, Ada

疫情兩年其間，都好耐冇化全裝，反而眼妝就越來越重視。嚟緊幾次產品介紹都會著重對眼！今次首先講眼睫毛。 左: YSL Mascara Volume Effet Faux Cils Lash Primer ( Strawberrynet - $263) 右: benefit Roller Lash (Sephora - $240) 本身眼睫毛都算長、密、黑，但就唔識得自己翹，同埋本身毛髮都粗，又容易出油，就算用電睫毛夾，都好難整到佢keep住攣，而且中午就變熊貓眼。多年來都一直物色方便快捷有效嘅mascara，上圖係無敵組合，我通常咁用： 先用睫毛夾夾攣 再用電睫毛梳梳理 搽一層YSL lash primer - 佢會增長睫毛，同埋令佢根根分明唔結塊 再上benefit mascara - 佢會令睫毛向上捲翹，同埋有效防油，用足成日都唔會溶妝 用咗呢個組合，眼睛明顯放大5至10%， 戴住口罩對眼都迷人炯炯有神。除咗以上兩個地方買到，建議可以Google大神下其他網上優惠。 Cheers, Ada P.S. 懶夾眼睫毛搽mascara嘅靚靚可以考慮做角蛋白，我 之前都有介紹過 。

早一輪過年之前，需要做大掃除嘅時候，唔知大家有冇遇到一個問題，就係浴室入面嘅水喉同埋沖涼浴屏係有水漬，而呢啲水漬即係非常之難清潔嘅。今次喺度為大家介紹一樣產品，就可以解決到呢個問題啦！ 呢支係防水嘅噴噴…當然啦，首先你要清潔咗喺水喉又或者浴屏現有嘅水漬先。然之後，就噴一層喺面，最後就用乾布將佢抹勻。佢會係你嘅水喉又或者浴屏上咗一層薄膜咁，遇水就會跣水既！ 不過呢呢一支噴噴我唔係喺香港買嘅，佢來自日本，所以如果大家有興趣嘅話，可能要上網搵一搵啦！但係價錢十分之經濟，只係70蚊港幣。 Cheers, Ada

介紹完香薰器，自然唔少得精油啦！今次介紹畀大家呢兩款，係我自己個人十分喜歡嘅香味。 ECOLS : Lady Balancing 成份 - Salvia sclarea (Clary Sage), Cymbopogon martini (Palmarosa), Pogostemon cablin (Patchouli) 呢款混合精油嘅好處就係可以平衡荷爾蒙，如果有經痛嘅話就非常之適合用啦！ 網店:  https://bit.ly/2E3rFL 建議零售點： Green Corner  - 銅鑼灣希慎道8號裕景商業中心1451室 (詳細營業時間請聯絡店主) MUJI : Blood Orange 呢款精油氣味清新帶點甜，如果平時喺辦公室需要提神的話，就可以試吓！ 更多資訊： https://muji.lu/2WQnJ8t 有興趣玩精油嘅話，不防買多幾款mix&match出個人香氣！ 不過，要注意成份同埋功效，因為有啲功效未必適合每個人，要注意自己身體狀況而選擇啊！ Cheers, Ada

山龍眼係100%天然植物，由於經人手打磨，所以每一個都係獨一無二既手工藝香薰器。無需燃點、無需電源，就可以令空間充滿木香同精油嘅香味。 由於佢本身已經有一陣天然香味，所以初次使用時需要每天滴多少少精油(大概持續一星期)，養住佢，令佢完全吸收精油嘅味道。之後就只要每星期滴幾滴，山龍眼就會慢慢散發出香氣，氣味可持續2至3星期。 我自己嗰個就放咗喺公司抬頭，由於距離近，所以我就買咗個細嘅，都夠香味。如果放喺屋企個廳度嘅，就建議買個大喇！ 而家好多手工藝品店舖都有得賣，但我個人就鍾意去我嗰環保朋友嗰度買，因為佢另有底碟，配埋一套。 建議零售點： Green Corner ：銅鑼灣希慎道8號裕景商業中心1451室 (詳細營業時間請聯絡店主) Cheers, Ada

Kimature呢個品牌是近期才接觸，因為我家主子有主婦手，於是做天然及環保產品既好友就贊助咗呢個品牌既產品比我哋試吓。 除咗佢既hand cream潤而不立十分好用之外，今次想推介既係佢既潔手液。平時用開既一般有兩個情況：洗完太乾或洗完太潤好似洗唔乾淨咁。佢呢款就不太creamy，水流流咁，但已足夠清㓗之如又不會洗走本身手中的水份，所以濕疹或主婦手都適合用。 賣吓廣告先，呢位朋友門市有其他環品產品，有興趣可加IG及到門市選購： Green Corner ：銅鑼灣希慎道8號裕景商業中心1451室 (詳細營業時間請聯絡店主) Cheers, Ada