穎廬 | Adada's Place

關於生死, 大家呢排可能諗多咗, 諗深咗。套電影係好睇嘅, 但並冇改變到我一向對生死嘅睇法, 我係咁諗嘅： 死呢個話題係我哋呢一代已經再冇咁忌諱, 反而覺得瑞士好偉大。死並唔可怕, 甚至乎係瀟灑, 隻身上路, 乜嘢都唔帶走。反而, 生存落嚟嘅, 就有包袱, 要歷練。生前可以作出好多planning去安排身後事, 但係要面對既, 此终係存活嘅生人。其實, 活生生既人, 先至要繼續往後地獄般既日子。我認, 活到呢個年紀, 都未能夠看破生死。兩隻小可愛離世嘅情景歷歷在目, 到而家都未能夠接受另一隻, 就係好驚要再面對一次。 選擇咗組織二人家庭, 面對生死就係50/50。 要餘生面對一縷青煙咁無窮無盡去思念, 我諗我頂唔順。但係反之要對方去面對呢個情景, 我亦唔忍心。雖然套戲叫大家要珍惜過程, 但係到要面對既時候, 係咪又可以咁豁達呢？ 電影海報展內, 我最喜歡以下呢一幅, 佢唔係最耀眼, 淡淡然, 隱隱作痛。 Credit: instagram.com/terencechoiyt Not_Cheers, Ada

每日lunch hour係忙碌工作嘅舒緩點。話題日日唔同，今日就講到點樣揀另一半。 細個嘅時候總係有好多幻想，希望佢高大威猛英俊靚仔，人品好，最好仲有一定既經濟能力。跌跌碰碰之後發覺，並唔係世事唔完美，只係緣份實在太奇妙。 眼緣 ：如果你信嘅，就已經跌入上天畀你嘅安排。未曾深入認識一個人，單憑長相已經有好感，其實同撞邪一樣。 性格好夾 ：如果仲要有咁嘅感覺，其實結婚機會率已經係60%。佢I你E，都可以好夾。佢E你E， 又可能唔夾。其實唔係兩塊 puzzle，係兩嚿海綿，夾唔夾，睇你點拿捏。真正既挑戰係甜蜜過後，如何接納互相既缺點。變數實在太多，當下最睇唔過眼既，假以時日，又有可能成為優點。 Timing & Time ：堅持揾一個付合條件既同時，都要睇吓個天按排咗啲咩人入你生命。 錯嘅人，都可以係啱嘅時候有chemistry，但時間會係最好既磨練。其實，冥冥中，早有安排。 緣分到，自然會遇到。 計劃趕不上變化。 有種轉變，叫甘心情願。 Cheers, Ada

好多時, 當面前有好多要事情要處理嘅時候, 未必會即時發現佢嘅impact. 事過境遷回顧返, 就會發現原來自己已經成長咗. 年紀越嚟越大嘅時候(即係老咗), 會發覺時間過得特別快. 當有時間停落嚟, 站穩陣腳嘅時候, 已經發覺原來自己改變咗. 過往一直努力追求嘅東西, 而家可能變得不重要. 但又發覺而家嘅status都唔錯, 其實兩樣嘢係冇衝突嘅. 如果當初強行將追求嘅嘢實現咗, 到最後都係發覺唔重要, 咁其實, 原來行慢一啲都可以. 大概, 呢個就係慢活嘅優點. Cheers, Ada

每個人對自己生活嘅每一個細節都總有要求，冇話高定低，但都各有所需。曾經認為，呢樣係必然， 近排發現原來都唔一定，或者公平啲咁講，就係因為有高低之分，所以就有expectation嘅差距。 舉個例子，A認為9分先滿足，而B達到5分已經好滿意喇。當現況係5分嘅時候，B已經停止再向前行，而A仲喺度跑緊 ，滿以為B沒有要求，其實只係B已覺達標。 只於點樣拉近呢個距離就係art。除咗雙方都要互相遷就，更要有一個穩陣嘅基礎。5分嘅要求，冇可能立即變9分，同樣地，9分嘅要求都唔會即刻降低至5分。點樣喺5分至9分之間拿捏一個中間點，就係藝術。而點樣妥協係中間點，就係遷就。 話須如此，但係一開始作出選擇嘅時候，就唔好揀一個距離太遠嘅。需要物質嘅，就揀有經濟能力嘅；需要時間嘅，就揀一個工作唔會太忙嘅；需要浪漫嘅，就唔好揀一個理科嘅。始終，要求作出改變，多少都係向難度挑戰。 Cheers, Ada

有啲說話成日會聽到，例如： 當個天閂咗隻窗，總會開返隻門畀你嘅！ The end is also a beginning. 喺唔同嘅情況之下，我哋可能都多多少少感受過。局外人，唔會完全明白箇中感受，而當局者可能迷，但係其實係好清楚知道自己要啲咩嘅。 過咗去嘅係要好好珍惜，其實係永遠都會喺我哋嘅心裹記憶裏。而當現實反映改變咗實况嘅時候，我哋都應該隨住佢而變。呢個亦都係改變唔到嘅事實，我哋只可以接受，and then move on. Cheers Ada

今日天氣有啲悶熱。想落雨又落唔出， 醞釀咗一點情緒。 呢排都幾忙，唔係好多時間可以me time，静静咁樣諗下嘢。今日静落嚟嘅時候，呢首歌一路喺我腦裏面盤旋，揮之不去。 去歌： 赤裸的秘密 - 劇場版 就像是一艘飛向星的客機 心彷彿早已離地 身邊的一切游離 不夠膽望向你 為怕你知道此刻的心理 還是推開你 去呼吸空氣 盡力地說一些笑話做逃避 偏不知怎麼說起 方可找得到自己 為何能遇上你 能驟眼己感到沒半點距離 純屬緣份 還是如以往我再自欺 偷偷感激你 能讓我再試這滋味 無奈我卻怕愛比刀鋒更利 更癡戀也是要捨棄 只好感激你 明日我要與你分飛千里 留下我愛你這赤裸的秘密 也只好偶然再想起 每一個人都總有啲係心底嘅秘密，小朋友有，大個咗，年紀越大，就越更加多，並唔係咁容易可以同人分享。 呢啲秘密擺喺心裏面無傷大雅，因為講咗出嚟，可能會令人好驚訝。但總有啲時候，好想搵個樹窿或者向馬桶講曬出嚟，然後又可以繼續每日嘅規律。秘密始終係擺喺心裏面安全，顧存大局，減少傷害。Silence is Gold. Cheers, Ada

係腦海構思咗好耐，遲遲未出post，因為一改再改，好想清楚咁表達想講嘅嘢。文筆向來係我弱項，要慢工出細貨。 年輕既時候，有好多嘢想追求。事業、愛情、金錢、權力、物質、快樂、家庭…時間好似永遠都唔夠用。渴望太多，唔識得去挑選。 人漸漸咁長大，開始發現一個人有嘅時間好有限。開始要精挑細選，邊樣先至係重要，需要去珍惜。 喺高峰嘅時候係唔會有呢種覺悟，低潮既時候目光先至變得清晰。當無晒所有身外物：事業係唔會係病既時候提供照顧、所有名牌等物質及金錢都係唔可以帶上天堂、權力亦係唔會陪伴渡過晚年，剩下落嚟既就係感情同家庭帶來既快樂。身外物係唔會為你守候包容，只有家庭可以。 當然，我並唔係話要四大皆空，無欲追求，而係要學懂分priority。 既然時間有限，就更要做好分配。事業帶來既金錢係重要，但並唔係最重要。權力同物質可以帶來滿足感，但如果要犧牲family quality time既快樂，就唔值得。 身邊總有些朋友無早早做好準備及選擇，無prioritize及make arrangements，人到中年仍要翻來覆去花時間補救。決定權從來都係自己掌握之中，選擇正確，將來就無悔！ Cheers, Ada

美容燈已經唔係一件新鮮事，好多靚靚可能都已經入咗手，又或者考慮入手。但係對於美容燈究竟有冇真正成效，大家都可能仲有疑問。 近排喺網上就睇到一篇 文章 ，係National Geographic嘅，關於美容燈既成效。內容大概講到，其實LED燈係對美容係有一定嘅功效，但係要睇下佢嘅輸出能量。例如紅燈就需要100+ milliwatts，而藍燈就只需要40+。 今次要推介嘅呢款四合一美容燈既品牌係Amiro。呢個牌子嘅美容鏡可能大家都會聽講過，但係其實佢出咗好幾款嘅美容儀，效果都非常之唔錯。 AMIRO  LumoMax High-Energy Light Therapy Device $2700 佢輸出嘅能量達到170+，絕對足夠達到美白、膠原增生去皺、去斑、去痘，四合一嘅功能！ 宜家係Carousell 呢度 仲有個超抵offer放出嚟，有興趣嘅靚靚，不容錯過！ Cheers, Ada

每日營營役役，好多時總要過去咗，先至可以完全理解。 近呢一年，一齊都安好，工作順利， 情緒穩定。係咁嘅情況之下，我先意識到，之前有啲日子，我真係過得顛沛流離。 最近pick up咗一個新嘅hobby，就係收藏石頭。每一件新嘅事情，都可以為我哋帶嚟新嘅見識，亦都會帶來新嘅人脈。 新嘅事情總係會令我心情愉快。 另外，為咗健康著想，最近都運動返。每星期跑步兩晚，每次大概40分鐘至1小時。 亦可能因為咁，情緒近期都keep住係一個好positive嘅狀態。 我會努力記住而家嘅心情， 亦都會令自己維持住呢種positive vibe既軌跡。 Cheers, Ada