穎廬 | Adada's Place

今朝返工，明顯見到地鐵上少咗好多人，可能大部分香港嘅打工仔已經收爐啦！ 每年到呢個時候我都特別感慨，原因係當大家都holiday mood嘅時候，我就準備緊開季。而今年感受更加深...當我以為自己可以佛系嘅時候，工作就接踵而來，唔好講話收爐，收工都收唔到！最嬲係平時年三十只係早放一個鐘嘅另－半，今年竟然係home office！！ 憤怒中祝大家豬籠入水！家肥屋潤！ Cheers, Ada

唔想好老土咁係度講新一年既願望，但又想係度留個回憶，咁...寫咩好呢？ 2018年係我重生既－年，力量好似返返嚟，仲然有時會有啲阻滯或猶豫，但到關關難過關關過！加上又有啲小運氣，總算過了滿意的一年。 唔敢對2019年定下目標，唔係因為懶，而係唔想比無形壓力自己， 一切順其自然就好！ Happy New Year everyone! Cheers, Ada

多年來都因為工作關係，會比其他人早安排各大小節日既事宜，情人節、父親節、母親節、農曆新年、當然還有聖誕節。 比人早有咩好？早啲知有咩優惠，邊度有新menu試新嘢，其實都ok，唯一唔ok就係到咗真係嗰個節日既時候，自己已經冇哂節日感覺，仲有少少覺得節日已過。 (圖片來自 https://www.landmark.hk ) 後記： 今年聖誕，因有任務在身，需要遊走各大商場及品牌，終於，感受到即時的節日氣氛！ Cheers, Ada