Connecting
每日lunch hour係忙碌工作嘅舒緩點。話題日日唔同，今日就講到點樣揀另一半。 細個嘅時候總係有好多幻想，希望佢高大威猛英俊靚仔，人品好，最好仲有一定既經濟能力。跌跌碰碰之後發覺，並唔係世事唔完美，只係緣份實在太奇妙。 眼緣 ：如果你信嘅，就已經跌入上天畀你嘅安排。未曾深入認識一個人，單憑長相已經有好感，其實同撞邪一樣。 性格好夾 ：如果仲要有咁嘅感覺，其實結婚機會率已經係60%。佢I你E，都可以好夾。佢E你E， 又可能唔夾。其實唔係兩塊 puzzle，係兩嚿海綿，夾唔夾，睇你點拿捏。真正既挑戰係甜蜜過後，如何接納互相既缺點。變數實在太多，當下最睇唔過眼既，假以時日，又有可能成為優點。 Timing & Time ：堅持揾一個付合條件既同時，都要睇吓個天按排咗啲咩人入你生命。 錯嘅人，都可以係啱嘅時候有chemistry，但時間會係最好既磨練。其實，冥冥中，早有安排。 緣分到，自然會遇到。 計劃趕不上變化。 有種轉變，叫甘心情願。 Cheers, Ada
