穎廬 | Adada's Place

每年香港舉行嘅德國啤酒節我都一定會去，過去幾年因為情況特別，所以我沒有去，今年我又再次出擊喇！ 一如既往，我哋一早就出現喺現場， 霸個靚位，買個咸豬手及啤酒，等待節目嘅開始，以往嘅我，音樂一響起，我就到跟住大家一齊企上櫈上面，拍手跳舞唱歌，但係今年嘅情況有少少唔同咗... 唔知係咪因為之前嗰日工作特別攰，今年我選擇坐低靜靜地欣賞表演，又或者自己行開一陣去看看夜景。當我見到隔離嗰啲年青人企上櫈上面玩嘅時候，我就覺得我已經去咗另外一個層次，唔係唔投入過活動，只係用咗另外方式去享受呢個活動。 每個人經歷過一啲事情之後，都會不經不覺咁樣長大，係今晚，我發現自己又改變了一點點。 Cheers, Ada

我絕對尊重先人，所以每年春秋二祭和生忌死忌我一定會到，但講到化寶，我嘅睇法就唔一樣。既不環保，又燒銀紙！ 今日去到庵堂，見到呢一個通告，即刻覺得以後拜山其實都可以好簡單！   Cheers, Ada

今次想介紹畀大家既呢係角蛋白美睫毛療程，主要令到睫毛向上䁱同埋加深黑色。 整個療程大概一個鐘至個半鐘，如果睫毛軟嘅就做得快啲，硬嘅就可能需要時間長少少。過程嘅期間係需要合埋雙眼，佢會搽一啲gel上去睫毛嗰度，然之後熱敷，最後就會上埋精華液。做完之後24小時內不要用水沖。 完成之後第一下照鏡我自己都嚇咗一跳，估唔到效果真係可以咁明顯，諗起每日可以慳番5至10分鐘上mascara嘅時間就好開心啦！做一次可以保持到兩個月架！ 想特別推介嘅係呢間係尖沙咀Mira Place, Tower A, 6/F叫Brow Brow嘅美容院，佢哋而家做緊試用價，攣毛嘅就$480，如果加埋黑色就total $680。 Cheers, Ada

一路以嚟都有喺呢度引用部分歌詞去到幫助表達一啲意思，但係就什少全份歌詞送畀大家嘅，不過今次遇到呢一份歌詞覺得實在太精彩啦！所以我決定原汁原味送上畀大家。 過去嘅一段時間，有幸有不幸咁樣休息咗一段時間，令到我深深體會到退休嘅狀況係點樣。雖然我未到半百，但係見到一份歌詞實在有好深嘅感受，希望你都會喜歡啦！ ______________________________ 黎明 - 下半場 《香港 年金計劃 主題曲》 作詞：林日曦 作曲：伍樂城 無論賽程剩低多久　幾千個凌晨亦未夠 繼續盡情活　巡遊在世上　至過世方休 垂頭俯望著鐵鏽　抬頭也能凝視著宇宙 尤其於萬象世界　要耗盡時間領悟透 還未在路上嚐盡悲歡　這一生怕會太淡太一般 距離完場還留低整整一半　精彩尚有一半 沉悶活著未能自滿　賽跑的方式要再去試多幾款 半場完成不等於等結束　就當是汽水乾一乾這半罐 如上半場有些險阻　多花半場尋覓突破 進步沒期限　年齡大了才能隨緣慶賀 從前不斷犯過錯　癡迷愛人愚笨地惹禍 如年輕未學會愛　靠接下來去再學過 還未在路上嚐盡悲歡　這一生怕會太淡太一般 距離完場還留低整整一半　精彩尚有一半 沉悶活著未能自滿　賽跑的方式要再去試多幾款 半場完成不等於等結束　就當是汽水乾一乾這半罐 徐徐前來打開這分隔之門 來年有悲喜好醜千百款 景緻和橋段亦壯觀 還未在路上嚐盡悲歡　這一生怕會太淡太一般 距離完場還留低整整一半　精彩尚有一半 沉悶活著未能自滿　賽跑的方式要再去試多幾款 半場完成不等於等結束　就當是汽水乾一乾這半罐 就繼續去跑爭取福祉滿滿 聽歌： https://youtu.be/b1f4cqgekCg Cheers， Ada

今次想為大家介紹呢個b.glen品牌嘅護膚品，佢係嚟自日本嘅，但佢只可以通過網上購物購買到。如果皮膚屬於多油或者鼻頭有黑頭嘅話呢，都可以試下用呢一個套裝去清潔同埋收毛孔。 喺佢個官網嗰度可以買到一套$199嘅試用裝，咁可以試過先至正式買佢嘅套裝。而我自己呢已經試緊用呢個試用裝兩個星期，就覺得非常之有效，士多啤梨鼻完全消失，所以特別喺度推介！ 《毛孔修護套裝包括4個產品：礦泥潔面乳 150g / QuSome化妝水 120mL / C精華液 15mL / QuSome保濕水凝霜 30g》 僅臉部就有20~30萬個毛孔，需要令肌膚充分滋潤、緊實，毛孔才不再明顯。 打造柔滑美肌的「毛孔修護系列」，4個步驟就能將毛孔緊實住。對肌膚很溫和的礦泥潔面乳與獨家研發的「QuSome® 」滲透技術結合，能使肌膚光滑彈嫩，就算是近距離觀察也能呈現完美狀態。 佢既日本官網係 -  https://www.bglen.net 但如果想買試用裝就要去香港官網 - https://www.bglen.hk Cheers, Ada

眨下眼返左新工已經三個月啦！月尾就會過埋probation...我好慶幸今次能夠搵到一份工自己真係鍾意做嘅，而且啲同事大家都合作既，咁樣係會大大減少咗工作上面嘅壓力嘅！ 嚟緊進入九月就會好忙㗎喇，到時有啲乜嘢就喺度同大家share啦！ Cheers, Ada

曖昧係 狀似親密 ， 卻又有距離既微妙關係 。 想要又不要 ， 原地轉圈一般徒磨光陰 。 眉目裡似哭不似哭 還祈求甚麼說不出 陪著你輕呼著煙圈 到唇邊　講不出滿足 你的溫柔怎可以捕捉 越來越近　卻從不接觸 〈 曖昧  -  王菲 〉  https://youtu.be/9ZLOYy9b1eU 以為靠得很近，但這一步，正是兩人之間最遙不可及的距離。 夢伴或是一位摯友 走於分岔路口 我與你 未預期的邂逅 幻像或是真的看透 婉拒或是接受 我暗裡 練習來將我感覺說出口 〈不只是朋友 - 伍富橋〉 https://youtu.be/Nx5jkr7xOPM Cheers, Ada

他媽哥池絕對是—個情意結，所以—知道佢今日launch咗手機版，我就立刻download嚟玩！ 記得當年佢有得賣嗰時我仲係加拿大，學生年代既我好辛苦咁儲夠錢之餘，仲要去排隊先買到，真係得來不易！ 事隔多年，今次既手機版本十分精美， 但亦有保留佢最原始既工能，包括： 餵食物，執屎，沖涼，呵護，同埋玩遊戲。另外，多咗—個新function, 就係可以買唔同嘅遊戲設施比隻寵物玩，十分kawaii 。 整體嚟講, 如果你係當年他媽哥池年代既人，咁呢個手遊就啱哂你喇！否則，年輕一輩就可能覺得此遊戲太簡單，冇乜挑戰。此終，tamagotchi係主打回憶。 Cheers, Ada

戰爭片我—般都不選擇看，若果不是Friday night無節目，又若果不是有免費戲票＋有人請晚飯，我一定寧願回家享受home sweet home. 我之前能夠在一間軍事模型公司撈足8年其實真是一個奇跡！不竟，我是愛好和平，及超級怕血腥！ 講返套戲，劇情我就不詳細講解，我不防試試解說這套電影已有20億人民幣票房的原因。 認識林超賢導演有10多年，由當年佢拍《重裝警察》時已經好欣賞佢，今次因為佢堅持全部用真的裝備不用道具，令到整套戲來得十分迫真，完美演繹中國船堅砲利 ，絕無冷場！ (圖片來自互聯網) 整套戲能帶出一個訊息，就是團結就是力量。相對於那些美國電影中的英雄主意，這套戲更能感動人心。 套戲最尾的一段雖則來得突然，但我覺得正是整套戲的中心思想: 就是大強國主意！對於看慣大美國主意片的你，這套戲更能激發愛國精神，令內地將有望衝破40億人民幣的票房，其成就不容置疑。 最後，不得不提那些血腥場面，連我自己都覺得做得恰到好處，不會如美國戰爭片過哂火位，值得一讚！ Cheers, Ada

星期日晚同一班吹水友去大排檔暢談—番…其中一位靚女有以下奇遇： ______________________________ 有一日，佢係旺角聽住歌咁等巴士返馬鞍山。有— 個黑人approach佢， "May I have your number?" "No！" 跟住佢就繼續聽歌，冇理個黑人。 冇幾耐，巴士到，佢就上車喇…個黑人又一齊上車禍！ 咁佢就急急腳走上樓上喇，個黑人又跟埋嚟，仲坐係佢側邊， "Can you meet me at the same bus stop tomorrow?" "No!" "May I have your number or Wechat?" 為咗打發佢走，佢俾咗Wechat個黑人。 ______________________________ 我哋成班朋友o咗嘴， ⌈你應該即時嚇佢話報警呀嗎！⌋ 我只能夠說，呢位朋友，今年爛桃花太勁！ 不帶預期的遇見 無法掌握的再見 <奇遇的起點 -  王力宏> Cheers, Ada

—個完美既婚宴不在乎有多奢華、有多少賓客、以及餸菜有幾名貴。很高興今日參加咗一個真心感動既婚宴，係度再次祝佢哋白頭到老！永遠幸福！ Cheers, Ada

又係一個失眠既晚上…今晚想講吓 一 套戲：忘形水(The Shape of Water) 入戲院之前睇過好多影評都話呢套係一套充滿政治既戲，所以都冇乜 期望。 水代表情，雞蛋代表性，其實我覺得呢套係一套浪漫愛情童話。當然 ，佢冇美麗既公主與俊俏既王子，但佢有淒美既橋段。 套戲係講一個生活在1962年冷戰時期又啞又孤獨既清潔女工，係 實驗室遇上了—隻兩棲生活而有人性既怪獸，係佢哋之間一個有性有 愛既故事，愛到忘形愛到底！ 當中有些驚險情節講述女工如何從實驗室拯救怪獸出嚟，最後仲要係大 團圓結局！ (圖片來自互聯網) 總括嚟講，係一套另類愛情片，未必受大眾所接受，但成套戲配上出 色既畫面同音樂，形成一種科幻既愛情感覺。 Cheers, Ada

你信唔信係另一個時空仲有另一個你呢？ 是咁的，早前某一日，係 我 毫無心理凖備既情況吓撞見Mr. A，原諒我冇即時上前相認，見到 落魄 滄桑既佢，我唔忍心，實在 唔忍心比佢知道，呢十幾年來我過得很好，仲係非常好！ 從前共你講　不要分別　不要歸去　 明明還流過一點眼淚 又再跟你相遇　跟你相對　 為何完全已經能面對 <會過去的 - 許志安&車婉婉> 我相信平行時空，我相信係呢個宇宙有另一個我和Mr. A，係嗰度，我哋會一個完美啲既句號 。 Cheers,  Ada

赤口好少理，約埋好友去食個飽！ 好耐冇入嚟元朗，—於去"意情濃"tea—tea先。呢間小店我 特別喜歡，除咗老闆娘特別好人，就係好掛住佢既雞扒牛脷生果蛋沙 律： 雞扒煎到金黃皮脆肉嫰，加上大大件既鹽燒牛脷，真係好味冇得輸呀！ 食完個tea, 夜晚再去朋友村屋bbq! 説好的減肥呢？？食完先算喇！ Cheers, Ada

呢排天氣時暖時凍，又十分乾燥，就算密住敷mask，臉部皮膚依然好乾。今日就為大家推介呢個非常好用的面部保濕霜。 我向來都是Skin Ceuticals的 擁躉，今次介紹的就是佢出既Daily Moisture for Normal or Oily Skin. 佢係由維生素E, 三種營養豐富既藻類提取物及七種植物提取物既混合物組成。佢獨特既結合，能保護和保持肌膚柔軟，免受環境損害，無油脂殘留，令面部皮膚光滑，不油膩。佢係適合中性至油性皮膚使用。 使用方法非常簡單：每天一次或兩次，在爽膚水後在整個面部，頸部及胸部塗抹大量。如果在早上使用，在使用防曬霜之前塗抹。如果晚上使用，在夜間精華後應用。 今日係大年初一，係度同大家拜個年: 祝大家身體健康! 萬事如意! 財源滾滾來! Cheers, Ada

情人節對於雙雙對對嚟講係大節日。曾經睇過一篇網文話情人節係女孩子們哂命既大日子，所以男孩子們要注意：花就有咁大札得咁大札，禮物就有咁明貴得咁明貴，食飯既餐廳有咁高級得咁高級，咁女孩子們就可以影張靚相上fb炫耀！ 我就唔太認同呢個諗法… 首先，我唔同意情人節要大大破費。所有關於情人節既消費陷阱都係一啲marketing既技倆。過千元—札花，浪費金錢又不環保; 數千元一餐飯，不如親自下廚也很sweet; 昂貴既禮物，真係值咁既價錢嗎？ 感情係唔應該用金錢嚟衡量。 另外，我唔同意要高調張揚情人節既節目。兩個人走在—起係兩個人既事，朋友既祝福係ok既，但炫耀就實在不必要！ 仲有一樣嘢好多人都忽略咗，情人節係用嚟慶祝各類型的情，並不局限於對另一半的情。所以就算係單身狗，都不妨對身邊既父母，兄弟姊妹及朋友講聲：情人節快樂呀！ Cheers, Ada

有冇發覺你既面部總是油油的， 即使係乾燥既冬天依然不停出油。其實咁既情形係因為你水油不平衡，今次就為你推介—款油性serum, 幫助你balance返你既面部皮膚。 呢款就係Decleor出既Aromessence Ylang Ylang Purifying Serum. 佢能夠控制油份分泌，去除雜質，令肌膚回復光采明亮。佢係100%天然由植物油組成，包括馬達加斯加依蘭依蘭，鼠尾草，迷迭香，檸檬以及薰衣草，成份不油膩，能收緊毛孔，减少瑕疵。 使用方法非常簡單，每天早晚係塗乳霜前，取幾滴輕輕拍打於面部及頸部，配以按摩手勢，直至完全吸收便可。 Cheers, Ada

話說呢期都心情欠佳, 試過唔同既活動都未有好轉, 有朋友就建議禪修, 咁於是我哋就join咗星期六慈山寺既茶禪, 洗滌一吓心靈! 茶禪由一位講普通話法師主持, 由於本人普通話半桶水, 所以只聽得明一半😂最印象深刻既一句就係: 分別在於不分別 。 完咗個event, 我哋就係慈山寺四圍參觀吓, 竟然比我發現咗啲好嘢喎, 就係蕭勤既作品展!! 佢既作品之中, 我最喜歡既就係呢四幅: 我在, 一直都在。在於我們的內心是如此接近。 I am always here. Our hearts will never go apart. 關於蕭勤: http://www.3812gallery.com/team/蕭勤 你, 又領悟到啲咩呢? Cheers, Ada

星期二悶悶地, 於是約埋幾個好朋友happy hour. 即慶之下沒有特別搵地方, 上openrice頭幾位排名, 就book咗呢間係尖沙咀既"Playa de Papagayo"西班牙菜, 有驚喜喎! 佢既HH至9pm, 十分抵飲; drink menu有兩頁, 好多選擇! 我地6個人, 叫咗6個菜, portion啱啱好。 最值得推介既係佢既Roasted Sucking Pig w/ Homemade Sauerkraut & Smashed Potato (西班牙燒乳豬), 啲皮好脆啲肉好嫩! 另外, 佢既Papagayo Assorted Sausage Platter (西班牙火腿拼盤) 都好美味。有4款火腿, 仲有麵包, 蕃茄醬, 蒜粒, 同埋香草牛油! 佢唔係太多位, 想試既記住要book位啦! Cheers, Ada

近日好流行既青蛙去旅行手遊, 唔知你玩咗未呢? 個遊戲其實非常簡單, 主要分為收割四葉草, 用嚟買嘢食、道具、及護身符, 執行理, 然後青蛙就會不定時去旅行, 佢仲會不定時寄明信片回來。 比起時下其他手遊, 呢個遊戲係一啲挑戰性都冇, 又唔需要成日玩住, 隻青蛙更加唔會同你互動, 咁究竟有咩咁好玩呢? 我就係抱著呢個好奇心去試玩一下。 首先, 青蛙不定時玩失蹤去旅行, 令你越冇得控制就越會掛住。究竟佢出走咗幾時先返呢? 點解咁耐仲未有明信片既呢? 另外, 唔同既嘢食及首具係會令佢出走去唔同既地方旅行, 而寄回來的明信片就會有所不同。於是大家就開始為咗收集唔同既明信片而努力收割四葉草, 買嘢食及道具。 當青蛀不在家時, 會有一些朋友仔(小動物)不定時來探班, 只要給適當的食物去餵他們, 就會有唔同既物品作回報, 所以大家又會忙於好好咁招呼這些不速之客。 最後, 呢個遊戲唔洗你成日開住, 只要得閑玩吓就可以, 最啱我呢啲成日都好忙但又貪玩既人...未玩既你地不妨一試! 你今日蛙咗未? Cheers, Ada

今個星期似乎特別難熬, 所以TGIF! 意大利既威尼斯係另一個我好喜歡既地方, 係嗰度係幾乎唔會蕩失路, 遊走在小巷之間, 總會發現一些特別既小河道, 享受一些浪漫寧靜既時光。 去到大運河附近, 就會見到Gondola小渡頭, 坐上Gondola從另一個角度欣賞威尼斯水都之美! Cheers, Ada

我鍾意狗就好多朋友都知, 但好少人知道我有一隻寵物龜, 今日就係度介紹WaWa比大家認識! 我大概五年前帶佢返屋企, 佢由之前手指尾咁大長大到依家大過兩隻手掌咁大喇! 平時佢最鍾意就係食同埋逃走。冬天既時候佢會冬眠, 而夏天佢就享受曬太陽, 生活十分寫意呢! Cheers, Ada

冇錯, 我係CEO - Check Email Officer 我係嗰種不能容忍有unread email的人, 有一次AL返嚟個inbox竟然有過1000封unread email, 我即時狂抓...所以, 正常來講, 我總希望盡快睇晒覆晒啲email佢, 但睇之前總會有電話到, 又或者阿姐呼叫, 又或者夠鐘開會...最後最後, 啲email就淪陷了！ Check email既時候, 最忟憎就係見到嗰啲明明一個電話就解決到既問題, 偏偏要長篇大論加埋CC比一串唔關事既人既email, 一見到即覆, 係電話覆, 唔好再嘥我時間！ 最安心既當然就係見到句 - Approved, pls go ahead！ 誰打開一個電郵 神情在變動 寫 捨得如何輕鬆 下款揮出你大名 隨魚雁發送 〈CC - 蔚雨芯〉 Cheers, Ada

住係馬灣, 除咗可以好休閒咁種吓花花草草同埋養吓小狗, 就係可以坐船。 短短半小時既船程, 有人會選擇小睡片刻, 有人會看書, 有人會發呆...而我通常會看海, 看看船穿過青馬橋底的一刻, 又或者欣賞一吓港島沿岸線, 實在寫意。 所以, 縱使很多人都覺得住馬灣交通很不方便, 但我還是選擇了栢麗灣做我的Home Sweet Home. 今日, 就同大家分享一吓不一樣的馬灣！ Cheers, Ada

埃及是一個我非常喜歡既地方, 她到處都充滿神秘的小故事。 Abu Simbel是著名既景點, 來這裡多數都係為咗睇The Great Temple of Ramses II, 但我認為The Temple of Neferta比較有意思! 後宮美女眾多, 但Ramses II唯獨摯愛Neferta. 對比起Ramses II神殿(門前有四座35公尺高既神象), Neferta之神殿雖然較細(門前只有六座10公尺高既神象), 但十分精致。從牆上既浮雕可見Ramses II眼中Neferta既美。而且, 可見雕塑紋依然深刻, 感受到他們之間既愛, 也驚訝古人既藝術天份及心思！ 除咗神話故事活現眼前, 也必須讚嘆後人既智慧, 竟然可把好幾座巨型神殿從位於Nile River既原址, 遷移到Abu Simbel此處,可想像到工程之大！ Cheers, Ada

Marketer係成日都要OT, 但marketer都有自己既social life, 就好似嗰次咁, 我就約咗我既閨蜜Miss A食飯, 佢好細心咁book咗8點半cwb, 知我實冇得準時放工。 「唔好意思, 要遲30分鐘, 對埋份稿先, 你叫住嘢食等我呀。」我預知我會遲到，所以6點已經whatsapp通知佢。 結果係...我遲咗兩個鐘。 呢次已經唔算嚴重, 最離譜嗰次係人哋個party完咗我先趕到。 所以係呢度我要同所有等過我, 包容過我既朋友say sorry and thank you呀！呢個壞習慣我會改, I promise！ 多得這 與我進退的你 同嚐盡心中千百滋味 難得遊戲 留低 幾千段憶記 有你與我嬉戲 才回味苦中甘澀香味 難捨難棄 旋律 一響起總有你 〈此刻無價 - C AllStar〉 Cheers, Ada

大澳係香港新界大嶼山西部, 係一個悠閒既漁村, 對於我來講, 係一個遠離煩囂既好地方。 有好幾次唔開心...失戀既時候, 我都會由東涌坐1個小時巴士嚟到呢個叫香港威尼斯既地方, 關掉手機, 與世隔絕。 慢遊於大澳既橫街窄巷, 影吓相, 休閒走走, 又或者掃街...最鍾意既就係烤瀨尿蝦乾! 然後, 揀一間露天茶座, order一杯Caramel Latte, 戴上耳機, 靜靜地坐上一個下午。 到了黃昏, 沿住海岸一直走, 一路欣賞夕陽一路漫步去大澳文物酒店, 乘搭香港唯一一部有路軌的電梯上去TAI O LOOKOUT, 靜靜地享受一頓晚餐。 這樣避世一天, 享受最寧靜既一人浪漫, 心情定會好返好多! Cheers, Ada

Marketer同designer合作無間，而且仲好有默契添，原因係因為佢地有共同既敵人，就係對家與上級。 作為夾心層既我其實都唔係好明，點解 一 開始 唔講清楚要改既嘢，而係要到每一次睇稿既時候先每次講一個要改既point，結果改都deadline final version後依然改緊！ 講開工事，就捻起一個我曾經嘔心瀝血地 負責既 project: 從來理應 好好珍惜珍惜這個身體 似體貼先生安撫安撫太太心底 伴你一生一世 隨時候命按你心解決問題 若是有種種繃緊的心結放不低 留下來將正力量耗費  預備後悔 人未老邁已枯萎 Love Your Body  與她兩位一體 〈身體髮膚 (屈臣氏廣告歌) - 謝安琪〉 Cheers, Ada

講番尋晚失眠嘅夜晚，喺茫茫網海中，竟然畀我撞返一位多倫多嘅舊朋友， 大家互相問候之後，佢突然之間同我講： "By the way, Market Village is closing down" 我第一個反應係好shock，冇諗過一個多市華人地標都會拆...跟住所有年少無知嘅回憶就返返曬嚟： 中學時代放學嘅聚腳點  認識我初戀嘅地方  拍拖睇戲嘅港式戲院  情人節浪漫嘅晚餐  第一次失戀買醉嘅Ｋ場 到最後…回流farewell say goodbye嘅地方 真係好可惜唔可以喺佢close之前visit多一次， 喺呢度我就睇住呢張相， 懷緬一下啦！ (更多資料:  http://ch.emagto.ca/2018/01/market-village-memory/ ) 不害怕 每次驚險跌蕩 多麼驚嚇  只害怕 記不起片段裡每一格 記憶它 裂下倒塌 有沒有 備份會 記錄歲月嗎 記錄每段回憶嗎 有沒有 備份會 變做永恆嗎 〈回憶備份 - ToNick〉  https://youtu.be/-z2uJxYgSdc Cheers, Ada

原來已經遺棄咗個blog成年，好，新一年，新開始！ 近日識咗個返夜既朋友，佢成日話：「我哋呢Ｄ返夜晚既，成日日頭都會瞓得唔好。」 我想講，其實我哋呢Ｄ夜晚瞓覺既，都成日會失眠架！ 瞓 唔到，有咩搞？今晚，我選擇咗出現係呢度。 上星期六去咗一個超開心既婚宴，新娘子當晚很美，亦有很多感動位。由於同新娘子有很多common friend，所以我覺得整晚都好好玩，冇尷尬既場面出現。雖然經歷如此愉快，但對於結婚的儀式，我依然會選擇 唔擺酒，最好就係旅行結婚。好多人會話，結婚其實是兩家人既結合，所以形式上—定要做足；但我就覺得結咗婚對住成世既係你既伴侶而 唔係婚宴上既賓客，所以，我不需要婚宴，而婚禮亦只需要有對方就足夠了！ 之但係咁，生活係中國人既社會，繁文縟節往往會令事情不似預期… 假使世界原來不像你預期 才明白不要放棄　沈住愛反覆的心理 風雨不會沒了期　終於會等到夢寐 全城在變遷　不減你是你 我的心中有著你 〈 假使世界原來不像你預期 - 方皓玟〉 Cheers, Ada