穎廬 | Adada's Place

有好多人都鍾意玩過山車，但係有冇諗過如果情緒好似過山車咁嘅話，其實就係躁鬱症。 躁鬱嘅躁唔係代表煩躁，而係狂躁症，患者會變得情緒高漲，以為自己係超人，做乜都得！有一個講法，其實好多名人都唔多唔少有狂躁症嘅，當中佢哋受嘅苦，又有幾多人真正能夠了解明白呢？ 躁鬱嘅鬱就係大家所認識嘅抑鬱症，患者情緒變得非常低落，甚至有自殺傾向。而如果抑鬱係發生係狂躁之後，嗰種情緒嘅反差，其實係可以十分難受既！ 躁鬱症嘅患者係會徘徊喺躁同鬱嘅情緒，不斷反覆咁樣發生，完全不受控制。其實都唔難想像，患者所受嘅苦，真係唔係一個普通人可以承擔。 有啲人會認為，自己嘅情緒，理應自己可以控制，所以情緒有問題，應該係自己搵辦法控制返自己。但係，既然講明有病，即係患者係無辦法控制到自己嘅情緒，就好似大家患傷風感冒咁樣，係不受控既！ 藥物固之然可以幫助躁鬱症病患者康復，但係擁有一個生活作息正常嘅生活環境，同埋有正常既社交生活對患者同樣重要。如果知道身邊有朋友患有躁鬱症嘅話，其實做一個聆聽者係十分之重要。雖然未必可以幫佢解決到佢嘅問題，又或者完全明白到佢當下嘅感受，但係做一個樹窿，畀佢抒發情緒已經係最大既幫助！ 隨著社會越嚟越變得複雜加上生活既壓力，患情緒病嘅人士亦都會不斷上升。希望大家多啲留意下身邊嘅親友，發覺有不對勁嘅時候就盡量陪佢哋多啲，細心留意佢地既情緒，同埋切忌諱疾忌醫！ Cheers, Ada

由細到大都唔係一個黐家既人，長大後更加離開兩老，隻身回港闖闖。花花世界一轉眼間就十幾廿幾年了⋯⋯ 如提示我歲月總愛催人沒法反抗 唯求別怪我為生計僅只偶然來往 把握不了共聚時光 仍能共你見面尚餘下幾多次 多一天更少下次 是我恐怕未能及時 明明沒有要事趕 仍舊習慣說繁忙 臨行亦叮囑必須要乾掉暖壺的湯 〈周柏豪：老少平安〉 去歌： https://youtu.be/GQiELd2gUCs 人大了，而兩老也真的老了，漸漸學會珍惜。多得呢個數碼年代，每天再忙也可聯繫，唯獨碗湯就有十幾小時距離⋯⋯ (相片來自互聯網) 係度教大家煲個靚湯先。 粟米紅蘿蔔紅棗花膠湯 材料： 花膠 1隻 排骨 半斤 粟米 2條 紅蘿蔔 1條 紅棗 8粒 生薑 3片 做法： 先張冷水和排骨放進鍋中飛水，煮滾至排骨出血水，取出排骨並洗淨。 將已浸發好的花膠切塊。 將每條粟米切成三至四件，紅蘿蔔角切。 煲一鍋滾水，放進所有材料。 大火煮滾後轉小火煮約個半小時。加鹽調味，完成。 Cheers, Ada

近日接二連三收到唔同嘅消息，首先得知兩位好友紅鸞星動，十分高興！但同時，易得知兩位舊同事離開，有啲遺憾…新年流流，百無禁忌！ 當我30多歲嘅時候，通常收到好友嘅消息都係結婚；到咗35歲左右，就係佢哋有小孩；但係到咗我宜家呢個歲數就開始收到一啲朋友離開既消息，確實有啲突然，早了一點吧？！ 年少既時候總是覺得時間多的是，還希望時間過得快一點，可以accomplish多啲事情。早幾年開始學習慢活，很多事情都希望可以慢－點，享受過程。 正當我慢慢適應時，原來已經歲月不留人。同呢兩位舊同事雖然唔係好多日常接觸，但不竟曾經都一齊共事，確實有啲感慨。再加上佢哋年紀唔係太大，也不是突發，所以更加令我加強意識到健康嘅重要！ 元宵佳節將近，除咗祝大家甜甜蜜蜜之外，今年大家都要身體健康吧~ Cheers, Ada

聽咗呢間餐廳好幾次，今晚第一次去尖沙咀呢間試吓。佢就係喺諾士佛臺嘅街頭，地舖嚟嘅，好易搵到。 今晚心心節，佢都有做套餐，但係我哋就只食佢嘅招牌菜。 頭盤 - 第一次試西式嘅豬耳，淋得嚟又有啲脆，味道都啱啱好！重點係個牛油果醬，絕對有驚喜！ (香脆BBQ豬耳) 主菜 - 佢嘅煮法同一般德國咸豬手有啲唔同，個皮唔會太硬，啲肉亦都淋淋吔，配埋個黑椒cream sauce，非常之易入口！ (招牌德國咸豬手) 甜品 - 十分之豐富囗感嘅甜品！ (瘋狂 | 香蕉雪糕新地) 整體嚟講，服務同食物質素都ok嘅，大家可以一試！ Cheers, Ada

今日－路做住body treatment，－路寫blog，容許我為大家以第一身介紹冷凍溶脂塑身療程。 第一次接觸這個療程已是多年前，但當時技術未成熟，所以一路都冇嘗試。近期呢個技術已經逐漸趨成熟，好多美容院都有呢部機，而我亦都join咗elyze既療程啦！elyze係美容院名牌Neoderm其下成員， 雖然價錢會貴少少，但係就有信心嘅保證。 首先講吓coolsculpting冷凍溶脂既原理： 冷凍溶脂其實並唔係新技術，只是利用冷卻和能量吸除既效果造成脂肪組織既自然發炎，透過免疫反應再將發炎既脂肪細胞消除。降溫既時候皮膚和脂肪溫度都會下降，但是脂肪降溫之後會形成微結晶crystallization，造成發炎反應，最後細胞溶解，免疫細胞將佢吞噬。資料顯示，冷凍溶脂可以減少淺層脂肪組織，減少既厚度可以達到20-25%。而根據外國既研究，一次治療大約可以達到20%既效果，第二次治療累積可以達到23~25%的效果。 療程後個半月開始見效，大概三個月後就可見到完全效果。重點係，做完coolsculpting係唔會反彈既，因為脂肪細胞排走咗，就唔會再生返出嚟。所以，脂肪層會薄咗，就自然瘦咗啦！ 其實，今次已經係我第二次做呢個療程㗎喇，經過第一次，我發覺自己的肚腩位置係減咗，而體重亦都降咗3kg，所以覺得非常之有效，就特別喺度推介！ 接著就講吓個療程過程： 首先，治療師會喺你治療嘅部位用marker mark起會處理位置既part數，之後就會敷一塊冷卻嘅gel pad係嗰個位，接住落嚟就會用吸盤既探頭將皮膚和皮下脂肪吸起來，然後探頭兩端會將熱量吸出降溫。每part大概做20至30分鐘。要提提，吸嘅最初五分鐘呢係會覺得扯住嚿肉咁，但係忍受到嘅…no pain, no gain! 過咗20至30分鐘之後，治療師就會拎走個吸盤，呢個時候你會覺得嗰部分嘅肉好似唔屬於自己咁，毫無感覺。而治療師就會盡快喺兩分鐘內，同你用按摩膏按摩呢個部位，舒緩嗰種奇怪嘅感覺。個人認為按摩呢一個環節係最難忍受嘅，不過兩分鐘一眨眼就過啦！ 有個建議，每一次不要只做1-part， 起碼都做4至6-part先會見到效果。我自己第一次肚腩位做咗8-part，今次第二次，因為肚腩細咗，所以只需要做6-part。仲有就係，做完嘅三個月內，係唔可以飲酒，同埋要多飲水幫助...

介紹完香薰器，自然唔少得精油啦！今次介紹畀大家呢兩款，係我自己個人十分喜歡嘅香味。 ECOLS : Lady Balancing 成份 - Salvia sclarea (Clary Sage), Cymbopogon martini (Palmarosa), Pogostemon cablin (Patchouli) 呢款混合精油嘅好處就係可以平衡荷爾蒙，如果有經痛嘅話就非常之適合用啦！ 網店:  https://bit.ly/2E3rFL 建議零售點： Green Corner  - 銅鑼灣希慎道8號裕景商業中心1451室 (詳細營業時間請聯絡店主) MUJI : Blood Orange 呢款精油氣味清新帶點甜，如果平時喺辦公室需要提神的話，就可以試吓！ 更多資訊： https://muji.lu/2WQnJ8t 有興趣玩精油嘅話，不防買多幾款mix&match出個人香氣！ 不過，要注意成份同埋功效，因為有啲功效未必適合每個人，要注意自己身體狀況而選擇啊！ Cheers, Ada

前文提及好友送咗一盒cookie畀我，擺咗喺度幾日都未開封。前日放工返嚟有啲肚餓，開咗嚟食…原來係好好食嘅蝴蝶酥！ 呢款鹹蛋口味嘅蝴蝶酥，其實都係一個新嘗試，佢有淡淡嘅牛油味，鬆脆但係唔太甜。我可以大膽講句：係我食過最好味嘅蝴蝶酥！ 上去Openrice度搜尋一下，發現佢原來已經好評如潮！可以上網吓爬文先，又或者去開新蒲崗嘅，去買一盒試下啦！ Lily's Bakery  : 新蒲崗康強街32-34號康強洋樓A座地下7號鋪 Cheers, Ada

感覺快樂就忙東忙西 感覺累了就放空自己 別人說的話 隨便聽一聽 自己作決定 不想擁有太多情緒 一杯紅酒配電影 在周末晚上 關上了手機 舒服窩在沙發裡 〈黃小琥 - 沒那麼簡單〉 今日有㸃情緒，想聽吓歌，放空一下。呢首唔係新歌，而係絕對稱得上經典既神曲。 日常生活中，經常忙東...

山龍眼係100%天然植物，由於經人手打磨，所以每一個都係獨一無二既手工藝香薰器。無需燃點、無需電源，就可以令空間充滿木香同精油嘅香味。 由於佢本身已經有一陣天然香味，所以初次使用時需要每天滴多少少精油(大概持續一星期)，養住佢，令佢完全吸收精油嘅味道。之後就只要每星期滴幾滴，山龍眼就會慢慢散發出香氣，氣味可持續2至3星期。 我自己嗰個就放咗喺公司抬頭，由於距離近，所以我就買咗個細嘅，都夠香味。如果放喺屋企個廳度嘅，就建議買個大喇！ 而家好多手工藝品店舖都有得賣，但我個人就鍾意去我嗰環保朋友嗰度買，因為佢另有底碟，配埋一套。 建議零售點： Green Corner ：銅鑼灣希慎道8號裕景商業中心1451室 (詳細營業時間請聯絡店主) Cheers, Ada

Kimature呢個品牌是近期才接觸，因為我家主子有主婦手，於是做天然及環保產品既好友就贊助咗呢個品牌既產品比我哋試吓。 除咗佢既hand cream潤而不立十分好用之外，今次想推介既係佢既潔手液。平時用開既一般有兩個情況：洗完太乾或洗完太潤好似洗唔乾淨咁。佢呢款就不太creamy，水流流咁，但已足夠清㓗之如又不會洗走本身手中的水份，所以濕疹或主婦手都適合用。 賣吓廣告先，呢位朋友門市有其他環品產品，有興趣可加IG及到門市選購： Green Corner ：銅鑼灣希慎道8號裕景商業中心1451室 (詳細營業時間請聯絡店主) Cheers, Ada

年初三百無禁忌，約埋好友上山頂探朋友。點知原來強國人都一窩蜂上晒山頂。好彩，石屋仔－如平常寧靜，坐室外可以欣賞住夕陽嘆個tea！好耐冇係度介紹嘢食，今次－於少啲文字，多啲圖，食個赤囗飯吧！ 頭盤 - 生蠔唔算好肥，不過十分之鮮甜。另外，Blue Cheese非常濃味！ (生蠔 - 半打) (波菜及梨沙律配意大利藍芝士) 主菜 - 值得推介呢個印度薄餅加咖哩雞，非常惹味！ (印度烤包加秘製印度咖哩雞配紅花飯) (傳統泰式牛肉沙律) 甜品 - 兩款甜品都非常之精彩！特別喜歡Carrot Cake, 粒粒紅蘿蔔加合桃, 味道甜甜鹹鹹, 十分特別。 (傳統暖麵包布丁配雪糕) (胡蘿蔔蛋糕) 最後睇埋個日落，what a perfect day! 特別嗚謝Mr. 6的贊助以及滷肉和cookie手信! Cheers, Ada

農曆新年係一個傳統嘅節日，令到我諗起傳承中國文化。近期參與了西九文化區戲曲中心嘅導賞員計劃，喺度同大家分享下我嘅經歷吖！ 整個計劃由九月開始，經過初選、第二輪選、同埋三次嘅訓練， 當中包括Public Speaking導師Workshop，同埋戲曲中心建築好之後嘅實地採排。 喺過程裏面，我唔單止學到一啲導賞員應有嘅技巧，亦都學到好多關於粵劇戲曲嘅知識，例如歷史同埋佢既演變，令到我對戲曲嘅知識增進咗唔少！ (圖片來自互聯網) 當中，令我最印象深刻嘅就係關於清朝皇帝嘅大戲樓，當時嘅皇帝睇戲就會喺一個樓高三層，機關重重嘅大戲樓嗰度觀賞，好多達官貴人都要陪伴皇帝一齊睇大戲，但係由於佢哋唔可以背向皇帝，所以佢哋其實係面向皇帝聽大戲！ (圖片來自互聯網) 今個月開始我就正式帶團啦！希望有機會你哋嚟到戲曲中心參加導賞團嘅時候，我可以以為你哋介紹更多有關粵劇既知識吖！ Cheers, Ada

大年初一，同大家講－個關於失而復得的故事。 而家交通方便，搭飛機可以話係平常事。 但如果有一日你落機嘅時候發生以下嘅情況，你又會點樣去面對呢？ Manifest講及一班飛機航班嘅乘客，佢哋喺空中嘅時候遇到氣流。到佢哋到埗落機嘅時候，竟然發覺原來佢哋嘅飛機已經喺現實生活裏面消失咗五年！所有人都以為佢哋已經罹難。 返到嚟現實生活，佢哋要同家人致愛朋友一齊面對佢哋其實冇事呢個事實。同時，佢哋要面對社會對佢哋失蹤呢五年又究竟發生咗咩事既睇法。 繼而，佢哋逐漸發現，帶返佢哋返嚟呢個現實世界，其實可能存在著另一個使命！ 呢套美劇而家仲喺美國電視台連播緊，美國時間逢星期一晚出街，有興趣嘅不妨上網追返。 例牌講返句祝賀說話：祝您 狗事做盡，豬事順利！ Cheers, Ada

喺呢度唔經唔覺都介紹咗幾個護膚品牌比大家，不過唔知大家有冇遇過一個問題，就係有好多時新嘗試嘅護膚品，好快就會覺得佢冇效。經過我多番測試，終於搵到個解決方法，今次喺度介紹畀大家。 無印良品呢個品牌大家都唔會陌生，而佢出品嘅護膚品有一個好處，就係門檻低，亦都有試用裝，可以試下先至買支大嘅。我自己就因為工作需要，所以係一次偶然嘅機會就試咗佢既導入液。 佢嘅用法非常簡單，只需喺清潔完面部之後，倒少少落棉花搽上面，然之後先再搽toner或者其他護膚品。由於佢係水劑，所以一啲都唔會立，佢嘅好用處就係會令到你跟住之後搽嘅護膚品更加吸收！ 之前大家可能有睇過我介紹b.glen嘅收毛孔護膚品，原來我一直未能夠令佢發揮到最強嘅功效，自從我用咗無印良品既導入液之後，b.glen都完全發揮到作用，功效顯著！ 呢款導入液都係有細支裝嘅，心思思既可以買支細嘅試下先啦！ Cheers, Ada

近期追緊一套美劇 - The Good Doctor，佢唔係新嘅，改編自2013年同名韓劇，美版2017年第一季，而家做緊第二季，絕對值得追返！ 故事係講述一位年輕有自閉症和學者候群嘅醫生點樣係一班政治角力嘅醫護人員之中生存，做一位好醫生，除咗一次次既醫療事件搶救劇情之外，更加插很多令我們反思下究竟點樣先至係一位好醫生，甚至乎係基本做人嘅道理。 其中，令我最深刻嘅一幕就係，當另位醫護人員諷刺呢位好醫生嘅時候，佢反而好誠懇問佢：你係真心咁樣認為？定係笑緊我呢？佢令到我哋反思，其實人與人之間嘅溝通需唔需要咁複雜呢？ 嚟緊農曆新年放假幾日，可以考慮下喺家中煲返呢套劇。有興趣仲可以睇埋原裝韓版及改編日版！ Cheers, Ada

團年、團圓、團團轉轉又一晚。 一碟令我特別懷念兒時在爺爺嫲嫲屋企食團年飯既餸，味道有5成似，加多3成是情懷，欠缺2成是人物。 人大了，才懂得珍惜！ Cheers, Ada

今次想為大家介紹一個價廉物美嘅醫學美肌品牌。 The Ordinary係一個加拿大嘅品牌，隸屬DECIEM旗下。 第一次接觸呢個品牌既時候其實我都抱著懷疑態度，因為佢嘅價錢實在太低，比一般drug store嘅品牌仲要再便宜。 於是就上網刨文。發現原來DECIEM旗下所有產品均不含對羥苯甲酸酯、硫酸酯、礦物油、異噻唑啉酮、甲基異噻唑啉酮、動物油、苯扎氯銨、煤焦油染料、甲醛、汞、氧苯酮，等，即是不含防腐劑、硫酸鹽、礦物油等添加原料，幾乎不會致痘或堵塞毛孔。(更多資料： http://blog.udn.com/mobile/b639944/106679366 ) 咁啱我支eye cream用完，正在搵緊一支更加好既，嘅於是就上網買咗佢哋嘅眼霜一試： The Ordinary Caffeine Solution 5%+EGCG (30ml) Reduces Eye Puffiness and Dark Circles HK$98.00 第一次使用感覺都唔錯，佢質地比較厚，但一啲都唔會立次次， 搽咗仲有種暖暖哋嘅感覺，吸收緊咁樣。最神奇既係，第二朝早就見到眼周緊致平滑咗！ 我終於搵到一支屬於我嘅eye cream呀！ 有興趣嘅可以上佢哋官網刨文及直接購買： https://theordinary.com/ Cheers, Ada