Coolsculpting冷凍溶脂塑身療程

今日－路做住body treatment，－路寫blog，容許我為大家以第一身介紹冷凍溶脂塑身療程。

第一次接觸這個療程已是多年前，但當時技術未成熟，所以一路都冇嘗試。近期呢個技術已經逐漸趨成熟，好多美容院都有呢部機，而我亦都join咗elyze既療程啦！elyze係美容院名牌Neoderm其下成員， 雖然價錢會貴少少，但係就有信心嘅保證。

首先講吓coolsculpting冷凍溶脂既原理：

冷凍溶脂其實並唔係新技術，只是利用冷卻和能量吸除既效果造成脂肪組織既自然發炎，透過免疫反應再將發炎既脂肪細胞消除。降溫既時候皮膚和脂肪溫度都會下降，但是脂肪降溫之後會形成微結晶crystallization，造成發炎反應，最後細胞溶解，免疫細胞將佢吞噬。資料顯示，冷凍溶脂可以減少淺層脂肪組織，減少既厚度可以達到20-25%。而根據外國既研究，一次治療大約可以達到20%既效果，第二次治療累積可以達到23~25%的效果。

療程後個半月開始見效，大概三個月後就可見到完全效果。重點係，做完coolsculpting係唔會反彈既，因為脂肪細胞排走咗，就唔會再生返出嚟。所以，脂肪層會薄咗，就自然瘦咗啦！

其實，今次已經係我第二次做呢個療程㗎喇，經過第一次，我發覺自己的肚腩位置係減咗，而體重亦都降咗3kg，所以覺得非常之有效，就特別喺度推介！

接著就講吓個療程過程：

首先，治療師會喺你治療嘅部位用marker mark起會處理位置既part數，之後就會敷一塊冷卻嘅gel pad係嗰個位，接住落嚟就會用吸盤既探頭將皮膚和皮下脂肪吸起來，然後探頭兩端會將熱量吸出降溫。每part大概做20至30分鐘。要提提，吸嘅最初五分鐘呢係會覺得扯住嚿肉咁，但係忍受到嘅…no pain, no gain!

過咗20至30分鐘之後，治療師就會拎走個吸盤，呢個時候你會覺得嗰部分嘅肉好似唔屬於自己咁，毫無感覺。而治療師就會盡快喺兩分鐘內，同你用按摩膏按摩呢個部位，舒緩嗰種奇怪嘅感覺。個人認為按摩呢一個環節係最難忍受嘅，不過兩分鐘一眨眼就過啦！

有個建議，每一次不要只做1-part， 起碼都做4至6-part先會見到效果。我自己第一次肚腩位做咗8-part，今次第二次，因為肚腩細咗，所以只需要做6-part。仲有就係，做完嘅三個月內，係唔可以飲酒，同埋要多飲水幫助排毒。另外，因為做完之後嘅頭兩至三個星期，治療部位有可能有少少不適嘅肌肉痛，但切記係唔可以食有消炎成分嘅止痛藥，否則前功盡廢！

仲有個建議，因為其實療程需要你身體嘅循環系統比較好，就可以更加快將有炎症嘅脂肪細胞排出體外，所以，治療師都會建議你做埋佢哋嘅RF活化循環療程。我自己就覺得做咗呢個circulation療程之後，新陳代謝係好咗嘅，所以都建議加埋呢個RF療程。

睇到呢度，大家就可能會問，咁舒服嘅療程，攤響度就可以塑身，會唔會好貴㗎？我只可以講「物有所值」！如果有興趣得到更多資料歡迎聯絡我個治療師：
銅鑼灣時代廣場第一座36樓 - Joey (如想直接whatsapp Joey，可pm我)

Cheers,
Ada