留下與離開，你會點選擇？

對於移民有第一身感受，今次就講吓呢個近期再掀起既熱潮。要離開一個自細長大既地方並唔容易，今次唔講背後動機同原因，不如就講吓現實與心態。

選擇離開都希望係新地方越開新生活，新希望。尤其是有小朋友既，都希望俾更好既環境下一代。回想當年移民，資訊冇現時咁方便，離開咗，就自然全心全意投入新地方，適應當地文化。香港既一切，就只可以從新聞中得知，就同其他國家既新聞一樣，係知識，但已再唔係身同感受。

今時今日，有啲移民者一方面未能完全融入新生活，另一方面又繼續關注香港既一切，兩邊不到岸。其實倒不如專心一意於新環境，做個新人類。我哋會更希望見到佢哋出既post係新事物而不是繼續執著comment香港既時事。

回想多年前選擇回流，感受複雜：一方覺得可以用母語為主既生活好親切，另一方便再次感恩父母當年作出既犧牲，令今時既我有選擇既自由。此終，都係prefer留係出生既地方同大家共同進退。

Cheers,

Ada