Staycation

基於疫情而生出嚟既一個項目：staycation

一開始時覺得呢個活動好無聊。明明有屋企舒舒服服唔返要住酒店。疫情期間更要注意衛生，遍遍要瞓人哋瞓過既牀，為嘅就係一路住酒店，一路幻想自己係去緊旅行，但係明明旅行嘅精粹就係觀光遊歷同休息。

View from Peninsula indoor pool

當市場上陸續推出各式各樣既優惠package，我都受唔住引誘試咗一兩次。＂出發＂前仲隆重其事同我家主人一齊plan＂行程＂。 綜合而言，我就有以下啟發：

1. 一啲高級酒店，平時我哋通常都唔會去住，就算去旅行都未必會揀。但藉著呢啲優惠，我哋都可以享受一下。
2. 住港咁耐，好多本地嘅地方我哋都未必作深度遊。Staycation令到我哋可以喺酒店附近嘅地方，細心遊玩，發掘local新事物。
3. 平時週末喺屋企好多時都會為啲瑣事騰嚟騰去，未必真係休息到。離開屋企一晚半晚，專心遊玩同埋食食食，達到快速叉電既效果。

可以嘅話當然係搭飛機去旅行先盡興啦！但係抗疫疲勞下，weekend出走兩日一夜，去平時少去既地方行下，或者好好咁同家人朋友享受美食靚景，舒緩鬱結，更可平衡weekday既刻板。有主子嘅朋友，仲可以帶埋寵物嚟個petcation， 好好relax。

Cheers,

Ada